នគរបាលខេត្តកំពង់ចាម សហការមួយកម្លាំងនគរបាលខណ្ឌឫស្សីកែវ ឃាត់ខ្លួនជនសង្ស័យម្នាក់ ករណជួញដូរគ្រឿងញៀន
26-September-2019 | ដោយ ពលមនសិការ
កំពង់ចាម៖ មុខសញ្ញាជួញដូរគ្រឿងញៀនម្នាក់ រួមជាមួយថ្នាំញៀនជាច្រើនកញ្ចប់ត្រូវបានកម្លាំងនគរបាលខេត្តកំពង់ចាម និងកម្លាំងនគរបាលខណ្ឌឫស្សីកែវ ឃាត់ខ្លួនកាលពីថ្ងៃទី២៥ ខែកញ្ញា ឆ្នាំ២០១៩។
លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានឲ្យដឹងថាក្រោយពីទទួលបានចំលើយសារភាពពីជនសង្ស័យដែលបង្ក្រាបបាននៅស្រុកកងមាស លោកបានចាត់ជំនាញការិយាល័យប្រឆាំងគ្រឿងញៀន សហការជាមួយ កម្លាំងអធិការដ្ឋាននគរបាលខណ្ឌឫស្សីកែវ និងប៉ុស្តិ៍ទួលសង្កែ១ ដឹកនាំដោយលោកវរសេនីយ៍ទោ ជីវ សេងរស់នាយការិយាល័យ បន្តឃាត់ខ្លួនជនសង្ស័យម្នាក់ឈ្មោះហែម ធំ ភេទស្រី អាយុ៥៧ឆ្នាំ ជាតិខ្មែរ នៅភូមិផ្សារតូច សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
ដកហូតវត្ថុតាងរួមមានៈម្សៅក្រាមពណ៌សសង្ស័យថ្នាំញៀន៧២កញ្ចប់ និងទូរស័ព្ទ០២គ្រឿង។ បច្ចុប្បន្នជនសង្ស័យកំពុងឃាត់ខ្លួនបណ្តោះនៅស្នងការដ្ឋាននគរបាលខេត្តកំពង់ចាម ដើម្បីសាកសួរយកចម្លើយ និងបន្តស្វែងរកបក្ខពួក និងកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ10871
- ម្សិលមិញ20231
- សប្តាហ៍នេះ89951
- ខែនេះ111831
- ឆ្នាំនេះ111831
- សរុប20554287